വിജയ്യെ നായകനാക്കി വെങ്കട് പ്രഭു സംവിധാനം ചെയ്യുന്ന പുതിയ ചിത്രമാണ് 'ദി ഗോട്ട്'. സയൻസ് ഫിക്ഷൻ എന്റർടെയ്നർ ജോണറിൽ കഥ പറയുന്ന സിനിമയുടെ ചിത്രീകരണം തിരുവനന്തപുരത്ത് നടന്നിരുന്നു. ക്ലൈമാക്സാണ് തിരുവനന്തപുരത്ത് ചിത്രീകരിച്ചത്. ശേഷം സിനിമയുടെ അണിയറപ്രവർത്തകർ റഷ്യയിലേക്ക് പോകുമെന്നായിരുന്നു റിപ്പോർട്ടുകളുണ്ടായിരുന്നത്. എന്നാൽ റഷ്യൻ ഷെഡ്യൂളിന് മുന്നേ മറ്റൊരു പ്രധാന ഭാഗത്തിന്റെ ചിത്രീകരണത്തിനായി വിജയ്യും വെങ്കട് പ്രഭുവും ദുബായിലേക്ക് തിരിച്ചിരിക്കുകയാണ്.
#ThalapathyVijay Is Off To Dubai For #TheGreatestOfAllTime Shoot !!pic.twitter.com/pHft8MFjKh
വളരെ ചെറിയൊരു ഷെഡ്യൂളായിരിക്കും ദുബായിലേത്. സിനിമയുടെ ഫ്ലാഷ്ബാക്ക് രംഗങ്ങളായിരിക്കും ഇവിടെ ചിത്രീകരിക്കുക എന്നാണ് റിപ്പോർട്ട്. സിനിമയുടെ ചിത്രീകരണത്തിനായി ഏതാനും താരങ്ങൾ കൂടി ഉടൻ ദുബായിലേക്ക് പറക്കുമെന്നും റിപ്പോർട്ടുകളുണ്ട്. ദുബായ് ഷെഡ്യൂൾ പൂർത്തിയാക്കിയാൽ വിജയ്യും വെങ്കട്ട് പ്രഭുവും ഉടൻ റഷ്യയിലേക്ക് പോകുമെന്നാണ് സൂചന.
അതേസമയം ഗോട്ടിലെ ആദ്യഗാനം ഏപ്രിൽ പുറത്തുവിടുമെന്നാണ് നിർമ്മാതാവ് അർച്ചന കൽപ്പാത്തിയെ ഉദ്ധരിച്ച് ട്രേഡ് അനലിസ്റ്റ് ശ്രീധർ പിള്ള നേരത്തെ റിപ്പോർട്ട് ചെയ്തിരുന്നു. സിനിമയുടെ റിലീസ് ഓഗസ്റ്റ് മാസത്തിലുണ്ടാകുമെന്നും റിപ്പോർട്ടുകളുണ്ട്. ഓഗസ്റ്റ് 23ന് ചിത്രം റിലീസ് ചെയ്യുമെന്നാണ് സൂചന.
വിജയ് ഡബിൾ റോളിൽ എത്തുന്ന ചിത്രത്തിന് യുവൻ ശങ്കർ രാജയാണ് സംഗീത സംവിധാനം നിർവഹിക്കുന്നത്. പ്രശാന്ത്, പ്രഭുദേവ, അജ്മൽ എന്നിവർക്ക് പുറമെ മീനാക്ഷി ചൗധരി, സ്നേഹ, ലൈല, ജയറാം, പാർവതി നായർ, പ്രേംജി, വൈഭവ് തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
മത്സരിച്ചുള്ള അഭിനയ മുഹൂർത്തങ്ങൾ കാണാൻ തയ്യാറായിക്കോ; ഫഹദ് ചിത്രത്തിലൂടെ എസ്ജെ സൂര്യ മലയാളത്തിലേക്ക്
കെ ചന്ദ്രുവും ഏഴിലരശ് ഗുണശേഖരനുമാണ് തിരക്കഥ എഴുതുന്നത്. ഛായാഗ്രഹണം നിര്വഹിക്കുന്നത് സിദ്ധാര്ഥയാണ്. വെങ്കട് പ്രഭുവിന്റെ ഈ ചിത്രത്തിനായി വിജയ് ആരാധകരും പ്രേക്ഷകരും ഏറെ ആകാംക്ഷയോടെയാണ് കാത്തിരിക്കുന്നത്.